Imbutaktak ni Senate Blue Ribbon Committee Chairman Rodante Marcoleta nga addadan iti ruar iti pagilian dagiti sumagmamano a contractor a karaman iti maanomalya a flood control projects.
Segun ken ni Marcoleta a mangim-imbestigar iti maanomalya a flood control projects, addan dagiti adda idiay Amerika pakairamanan ti nangipudno a karaman iti maanomalya a proyekto ngem agbuteng nga agpayam-ammo.
Kinuna ni Marcoleta a saan a maawagan a panaglibas iti napasamak ta saan a malapdan dayta ti Blue Ribbon Committee.
Inlawlawag ti senador nga awan ti bileg ti komite a mangiruar ti hold departure order nu diketdi korte laeng.
Impaganetget ni Marcoleta a saan nga ipalubos ti Senado a sumango dagiti personalidad a karaman iti anomalya.
Nagpangta ti senador a nu nabaybay-an ti panagdenggegda ket ipakemmegda dagiti nasao nga indibidual.
