Sumagmamano a Filipino-American candidates ti nangabak iti nadumaduma a local positions iti kalkalpas a 2024 US Elections.
Dagiti sumagmamano a nangabak ket pakairaman ni Steven Raga, re-elected para iti maikaduya a terminona a mangibagi iti District 30 idiay Queens County, New York, ken kaunaan a Filipino American a nabutosan iti New York State Assembly.
Idiay Wisconsin, nangabak ni Angelito Tenorio iti puesto iti State Assembly para iti District 14, idinto a ni Christopher Cabaldon, dati a Mayor ti Sacramento, ti agbalin nga umuna a Filipino American a nabutosan iti California State Senate, a mangibagi iti District 3.
Ni Ysabel Jurado, maysa a Filipino American tenant rights attorney, ket nakasaganan nga agbalin nga umuna a Fil-Am a nabutosan iti Los Angeles City Council kalpasan a nakagun-od ti 56% a botos iti District 14.
Ni agdama a San Diego Mayor Todd Gloria, maysa a Filipino American, ket adda iti track para iti re-election nga addaan iti commanding lead iti eleksion.
Idiay California, nangabak ni Daly City Mayor Juslyn Manalo iti eleksion para iti maikadua a termino, idinto a ni Jessica Calazo, a nagkandidato para iti District 42 iti California State Assembly, ket napigsa ti tsansa na nga agbalin nga umuna a Fil-Am agtugaw iti puesto.
