Agarup innem a kandidato a Filipino-American ti nairekord a nangabak wenno manamnama a mangabak iti midterm elections ti kongreso ken estado kadagiti nadumaduma nga estado ti Amerika kalpasan ti naudi a midterm elections.
Karaman kadagiti nangabak ni Democrat Representative Robert “Bobby” Scott ti Virginia, a nabotosan manen para iti maika-18 nga agsasaruno a terminona iti US House of Representatives.
Idiay California, nangabak manen ni Rob Bonta kas attorney general, idinto a ni Jessica Caloza ti kaunaan a Filipina a nabotosan iti Lehislatura ti California. Nangabak met ni Mark Pulido iti Assembly District 67. Idiay Nevada, nangabak ti immuna a Filipina legislator a ni Erica Mosca, idinto a inabak ni Representative Maria Cervania ti karibal na a Republikano a ni Bruce Forster.
Manamnama nga umado ti bilang dagiti Filipino-Americans a mangabak iti eleksion, kasta met dagiti kandidato manipud iti agduduma a puli, gapu ta agtultuloy ti bilang dagiti botos iti Estados Unidos.
