Inwaragawag ni Executive Secretary Lucas Bersamin ti panagbalbaliw iti gabinete ni Presidente Ferdinand Marcos Jr kalpasan ti panangibilinna nga agipila iti courtesy resignation dagiti miembro ti gabinetena.
Segun ken ni Bersamin, nagtalinaed a cabinet members da DTI Sec. Maria Kristina Roque, Finance Sec. Ralph Recto, DepDev Sec. Arsenio Balisacan, Budget Secretary Amenah Pangandaman, ken Special Assistant to the President for Investment and Economic Affairs Frederick Go.
Iti agdama, lima a secretaries pay laeng ti pinagtalinaed ni Marcos iti puesto nga agpapada a paset ti economic team gapu ta patienna a napateg a matutukan ti ekonomia idinto a dagiti dadduma ket dumalan pay iti evaluation.
Kabayatanna, kinumpirmaran ni Bersamin ti panagretiro ni Antonio Lagdameo inton Hulyo ken sukatan ni Foreign Affairs Secretary Enrique Manalo inton Agosto 1.
Sukatan ni Manalo ni Usec Tess Lazaro kas mangidaulo ti Department of Foreign Affairs.
Agserbi nga officer-in-charge ti Department of Energy ni Usec Sharon Garin.
Maikkat ni Department of Human Settlements and Urban Development (DHSUD) Secretary Rizalino Acuzar ta isu ti agbalin a presidential adviser para iti Pasig River Development.
Ni Acuzar ket sukatan ni Engr. Jose Ramon ‘Ping’ Aliling a mangidaulo ti DHSUD.
