VIGAN CITY – Adda iti sumagmamanon a naglukat a pagtagilakoan, pagadalan ken opisina idiay Israel kas pinasingkedan ni Bombo International Correspondent Thess Vicente a taga-Tuba, Benguet ken OFW idiay Lithania, Israel.
Segun kenni Vicente, napalukayan iti dadduma nga pagannurotan iti kangitingitan ti enhanced community quarantine gapu ti COVID19 iti lugar isu nga adda iti naglukat a pagadalan ngem no pay kasta, adda latta dagiti rumbeng a masurot a wagas.
Kabayatanna, “no work, no pay” dagiti sumagmamano a Pilipino ket pakabuklan a 24,000 a caregiver iti nasao a lugar ken tallopulo a porsiento iti apektado iti nasao a pagannurotan ngem adda latta ti tulong nga ipapaay ti embahada iti pagilian kas dagiti relief packs para kadagiti Pilipino nga awanan ken kasta pay nga adda met iti tumultulong a non-government organization kadagiti Pilipino nga addaan iti anakna iti nasao a lugar.
