Pinasingkedan ni acting Labor Sec. Francis Tolentino nga adda sumagmamano a babassit a negosyo ti nakipatang kenkuana tapno agpa-exempt iti maipatpatungpal nga P85 a nayon a sueldo kadagiti minimum wage earner.
Segun ken ni Tolentino, pinakaammooanna ida nga agipasa kadagiti kasapulan a dokumento tapno agbalin nga exempted iti maipatungpal a nayon a sueldo.
Malaksid dayta ket rumbeng a dagiti babassit a negosyo ket addaan laeng iti P3 million a puonan agpababa.
Inlawlawag pay ni Tolentino a mabalin a mangiruar ti desision ti Department of Labor and Employment (DOLE) kadagiti micro, small and medium enterprises (MSMEs) no saan a kabaelan ken saan nga umdas ti sapul.
Impatangken met ti secretary a ti naipatungpal a nayon a sueldo ket mayannatup iti Republic Act 6727 ken sursurotenda laeng dagiti nakaipauneg iti dayta.
