VIGAN CITY – Maysa nga ina iti nagpakamatay babaen ti panagbekkelna ket nangibati pay iti suicide note idiay Brgy. Nagsayaoan, Sta. Maria, Ilocos Sur.
Segun ti Sta. Maria Municipal Police Station, ti biktima ket ni Helen Agapito, addan iti husto a tawen, naasawaan, nga agnaed iti nasao a lugar.
Nakaawat ti tawag ti Sta. Maria Police Station inaig iti panagbekkel ni Agapito iti nasao a lugar ket iti pannakipatpatangda kada Linda Cabradilla, agtawen iti innem a pulo ket dua ken ti agtawen ti lima a kabagyan ti biktima ket nakitada laengen a nagbekkel ni Agapito babaen ti tali iti kayo a paset iti bobeda iti kusina ti pagtaenganda.
Maysa a suicide note iti nakita ti kuartona a mangipasimudaag iti depression-na ken agkidkiddaw ti pammakawan kadagiti kabagyanna.
Naipan pay laeng iti Ilocos Sur District Hospital Narvacan ti biktima ngem naideklarar a dead on arrival babaen ti attending physician-na a ni Dra. Mary Grace Asuncion.
