Inallukoy ti defense team ni Vice President Sara Duterte ti Senate impeachment court nga ibasura ti kiddaw ti House prosecution panel iti panangiruar ti subpoena para iti bank ken tax records ti bise presidente.
Iti maika-innem nga aldaw ti impeachment trial, impresentar ti defense ken prosecution teams ti legal a posision da mainaig iti kiddaw ti prosecution tapno ti Senate impeachment court ti ag-isyu dagiti subpoena para iti bank records ni VP Sara.
Karaman pay dagiti tax-related documents a naikabil iti selyado a karton manipud iti Bureau of Internal Revenue (BIR).
Segun ken ni Atty. Michael Poa, ak-akusaran ti prosekusyon ni Duterte iti maipagarup a kina-adda ti saan a maipalawag a baknang sakbay nga agsapul ti ebidensia.
Segun ken ni Poa, ti panagirruar ti subpoena ket agbalin a panaglabsing iti linteg iti confidentiality pakairamanan ti Anti-Money Laundering Act, Tax Code, ken Bank Secrecy Law.
