VIGAN CITY – Nakalibas ti subject ti buy bust operation idiay Barangay Magsaysay, Sinait a ni Jason Emiliano Dalimot, agnaed iti nasao a lugar, nailista a kas high value target ken provincial priority target list ti Ilocos Norte.
Naaktuan ti suspek nga agilaklako iti maysa a piraso ti heat-sealed transparent plastic sachet a naglaon iti nasurok kumurang maysa a gramo ti maatap a shabu nga aggatad iti pito ribo a pisos.
Naala pay met kenkuana ti maysa a piraso ti PHP1000 a nagserbi kas buy bust money.
Idi natiliw dagiti operatiba ti suspek ket nakalibas daytoy babaen ti panagtarayna a napan iti kataltalunan tapno mapan kumamang iti kabambantayan a paset.
Gapu ti panangkamat kenkuana ti operatiba, maysa kadagiti kameng iti Philippine Drug Enforcement Agency – Ilocos Norte ti nablo ti akin-kannigid a sakana.
