VIGAN CITY – Imbilinen ni Bureau of Corrections Director General Gregorio Catapang Jr. nga imbestigaran ti maisaysayangkat nga strip search iti asawa dagiti persons deprived of liberty a bumibisita iti New Bilibid Prison.
Impila ti reklamo ti Commission on Human Rghts ta dua a misis ti PDL ti nakapasar ti traumatic ken nakababain a kapadasan iti naisayangkat a strip search kadakuada idi April 21, 2024 iti New Bilibid Prison Maximum Security Compound.
Silulukat ni Catapang iti aniaman nga imbestigasyon nga aramiden ti agduduma nga ahensya tapno malawagan ti patangan.
Inyunay-unay ni Catapang a nainget ti maipapatungpal a strip search iti amin a prisons ken penal farms ta adu dagiti bisita ti agpangpanggep nga agipastrek iti kontrabando.
Gapu ti pasamak ket inyunay-unay ni Catapang ti apelana para ti nayon a budget tapno makagatang ti full body scanner machines kasukat ti strip search.
