VIGAN CITY – Nakasaganan ti grupo dagiti espesyalista a mangisayangkat iti stress debriefing kadagiti agnanaed a naapektaran iti gingined idiay Itbayat, Batanes, malaksid laeng kadagiti naka-standby a nayon a medical teams a mangtaming kadagiti nadundunor.
Segun ken ni National Disaster Risk Reduction and Management Council- Office of the Civil Defense spokesman Mark Timbal iti pannaki-uman kenkuana ti Bombo Radyo Vigan, adda pay dagiti relief support a naggapu iti opisina da para kadagiti agnaed idiay Itbayat nga intulod ti C-130 plane ti Philippine Air Force.
Dagiti naipatulod a relief support manipud iti national headquarters ti NDRRMC ket pakaibilangan iti nayon a family food packs, danum, hygiene kits ken generator set.
Saan met a maibaga iti opisyal nu kaanu a makasubli iti normal a biyag da dagiti tattao a naapektaran iti gingined nga itatta ket agtaltalinaed kadagiti tents nga inted dagiti maseknan nga ahensya.
