Maysa nga street level individual ti nakemmeg iti buy-bust operation idiay Blk 2, Barangay San Jose, Candon City, Ilocos Sur, maibilang a Drug-Affected Barangay).
Nabigbig ti suspek a ni Nido Robles Peñalosa, alyas “Nonoy Peñalosa, agtawen iti limapulo ket innem, construction worker, taga-Barangay Paras, Candon City.
Nakumpiskar manipud iti suspek ti mapapati a shabu nga aggatad iti PHP30,600 a naikabil iti tallo a heat-sealed transparent plastic sachet.
Dagiti non drug evidence ket pakairamanan ti maysa a genuine PHP1,000 bill ken tallo a piraso ti PHP1,000 boodle money a naikabil amin iti maysa a transparent plastic cellophane, cellphone, PHP1,818 a personal money ken motorsiklo.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
