Nakemmeg ti maysa a newly identified drug personality iti ili ti Bantay babaen iti naiwayat a buy-bust operation.
Ti suspek ket agtawen iti duapulo ket pito, Street Level Individual, agnaed iti nasao a lugar.
Iti pannaki-uman ti Bombo Radyo Vigan ken ni Police Captain Donaldson Pagalanan, Acting Chief of Police ti Bantay Police Station, idi napan a bulan a naduktalanda nga agilaklako ti suspek iti iligal a droga ken rimrimmuar payen ti naganna kadagiti kabangibang nga ili.
Naala manipud iti suspek ti nasurok-kumurang 0.50 grams ti mapapati a shabu nga aggatad iti P3,400 a naikabil iti 10 a piraso ti heat-sealed transparent plastic sachet a nagserbi kas buy-bust item ken ikotna.
Malaksid dayta, naala pay ti 1 a genuine P1,000 a nagserbi kas buy-bust money, sling bag, lighter, papel, pakete ti sigarilio, 2 a cellphone, P4,364 a personal a kuartana, ken motorsiklo.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
