Street Level Individual, nakemmeg iti buy-bust operation

Nakemmeg ti maysa nga Street Level Individual iti naiwayat a buy-bust operation iti Candon City, Ilocos Sur.

Ti suspek ket lalaki nga agtawen iti duapulo ket dua, agnaed iti nasao a siudad.

Nakumpiskar kenkuana ti 3 grams ti mapapati a marijuana leaves ken buds nga aggatad iti P360 a naikabil iti maysa a self-sealing transparent plastic sachet a nagserbi a buy-bust item.

Dagiti non-drug evidence ket pakairamanan ti 2 a piraso ti machine copied a P1,000 a nagserbi kas buy-bust money, maysa nga improvised glass pipe a naglaon iti marijuana residue, 2 a broom stick, coin purse, cellphone, P1,437 a personal money, ken maysa a motorsiklo.