Awan pay iti naawat a memo ti LTO San Ildefonso mainaig ti pannaka-shutdwon ti Land Transportation Management System wenno LTMS.
Iti pannaki-uman ti Bombo Radyo Vigan kenni Dominador “Donie” Redilla, LTO Chief ti San Ildefonso, dua iti us-usarenda a sistema a kas ti strandcom system ken LTMS.
No bilang a ma-shutdown ti LTMS ket nakasagana ti strandcom system.
Segun kenni Redilla, awan iti nagdumaan ti dua a sistema no kinapaspas ti pagpapatangan.
Impasigurado na kadagiti umili nga agtultuloy latta ti serbisyo ti LTO ken ubraenda amin a kabaelanda tapno saan a maitantan dagiti kasapulan a maiproseso.
Kabayatanna, license card iti mait-ited itan kadagiti kliyente ti LTO San Ildefonso ta available ti printer dan, ken dakkel iti naikissay kadagiti backlog da.
