Kimmaro pay ti riribuk iti Middle East kalpasan ti opisial a panangibaga ti Islamic Revolution Guard Corps ti Iran ti pannakaisarra ti Strait of Hormuz para kadagiti lugan iti kabaybayan a maikonkonektar kadagiti kabusorda.
Nalapdan ken napasubli dagiti 3 a container ship dagiti nadumaduma a nasionalidad, a naggandat a lumasat iti strategic waterway, nga isu ti pagnaan ti maikalima a paset ti suplay ti langis ken gas iti lubong kadagiti normal a panawen, kasta payen dagiti dadduma pay a napateg a produkto.
Segun iti Iran, ti addang ket sungbat kadagiti pagilian ken pantalan a kaalyado ken mangsupsuporta iti Amerika ken Israel.
Maipalagip nga inwaragawag ni US President Donald Trump nga immannugot ti Iran a padalanen dagiti 10 nga oil tanker, ngem pinaglibakan daytoy ti Iran.
