Kampeon ti ili ti Sto. Domingo iti First District Division finals ti One Ilocos Sur Intertown Basketball Tournament kalpasan nga inabak da iti ili ti Magsingal iti series score a 2-1.
Nangabak ti Sto. Domingo iti game 1 iti iskor a 79-74 ngem bimmawi ti Magsingal iti game 2 iti iskor a 97-93.
Iti game 3, nagbalin a nairut ti ay-ayam dagiti dua a grupo ngem saan a nagpaabak ti Sto Domingo ket linnepas da ti laban iti iskor a 71-66.
Indauloan ni TJ Tabbuan ti pangabak ti grupo babaen iti 27 points, 8 rebounds, ken 3 steals.
Kumpleton dagiti division finals no sadino ti Upland division ket naala ti ili ti Nagbukel, Candon City para iti Second District ken ti ili ti Sto. Domingo para iti First district.
Iti agdama, maiur-uray laengen ti wild card a mannarimaan a paglalabanan ti ili ti Salcedo, Sta. Cruz ken Magsingal tapno makumpleto ti Final 4 para iti overall championship.
