“Awan linaonna, ken awanan iti accountability”, dayta ti panangiladawan ti abogado ti maysa kadagiti natay a basketball player ti Ateneo Blue Eagles kasaruno ti inruar a video statement ti head coach a ni Tab Baldwin.
Segun ken ni Atty. Israelito Torreon, arigna saan man laeng a makitaan iti pannakipagladingit ni Baldwin ket sanna a sinungbatan no ania ti pudno a napasamak kadagiti 2 a player.
Saan a maawat ti ina ni Rene Baterbonia ti public apology ni Baldwin ken ti kayatna ket maammuan ti intero a kinapudno iti team building idiay Aurora.
Kabayatanna, innayon pay ni Torreon nga ad-adalen ti kampoda ti rimmuar a video statement iti nagpayam-ammo nga asawa ni Baldwin.
Iti statement ni Efii Kalogirou, datin a binallaaganna ti Ateneo a saan a natalged dagiti ubbing ken ni Baldwin.
Mamati ti abogado a posible a dakkel a tulong daytoy no bilang pudno dagiti naibaga iti video.
