Nakigtot ni Prosecution spokesperson ken dati a Representative Robert Ace Barbers ti nagbalin nga statement ni Vice President Sara Duterte mainaig iti maipagarup a posibilidad a makaala ti gunman iti gatad a P5, 000.
Segun ken ni Barbers, saanna a ninamnama a madakamat daytoy ti bise presidente kangrunaan a madengdengngeg ti impeachment caser na mainaig iti alegasion ti grave threats.
Pinasingkedanna a mabalin a mangted daytoy ti madi nga impression nga adda pakainaigan ni VP Sara mainaig kadagiti gunman ken iti gatad ti serbisio-da.
Impaganetget ni Barbers a dagituy nga statement, kangrunaan no maibagbaga iti sangoanan dagiti Pilipino iti sabali a pagilian ket mabalin a makadadael iti imahe ti Pilipinas.
Innayonna a a kas maysa nga opisial ti gobierno, maspul a mangipakita ti nasayaat nga aspeto ti pagilian tapno maallukoy dagiti agpupuunan ken turista.
