--Ads--
VIGAN CITY – Naideklarar ti state of calamity iti ili ti Sta. Lucia gapu ti agtultuloy a panagtudona ken pannakalayos dagiti balay ken dadduma nga establisimiento.
Segun ken ni Mayor Joseph Simon Valdez, saanen a makaruar dagiti pamilia iti ili ken adu dagiti kalsada a saanen a madalanan gapu ti layus nga isu ti nagibasaran ti MDRRMC ken LGU tapno maideklarar ti state of calamity nga inaprubaran met ti Sangguniang Bayan.
Nupay kasta, nabilin ti agriculture department a mangkita no mano ti gatad iti nadadael a mula dagiti mannalon tapno maipaayto kadakuada iti tulong.
Malaksid ti dayta, adda pondo a nailatang para ti pannakaipaay ti tulong kadagiti pamilia a naapektaran iti layus.
-- ADVERTISEMENT --
