State of calamity, posible a maideklarar ditoy probinsiya gapu iti bagyo Ompong

VIGAN CITY- Pinatalgedan ni Gov. Ryan Singson a posible nga ideklara na manen ti  ‘state of calamity’ iti probinsya gapu iti panagduprak ti bagyo “Ompong”  ta maibasar  iti panaglikmot na kadagiti nadumaduma a lugar ket  dakdakkel ti  dadael nga inpaay ti bagyo no idasig ti habagat ta nagtipon ti napigsa  nga angin ken todo a nagresulta  iti pannakadadael iti benneg ti agrikultura ken imprastraktura.

 

 

Maragsakan met ti gobernador ta  nakita na a naurnos dagiti evacuation center ken   kumpleto dagiti kasapulan dagiti evacuees  kas iti taraon ken danum.

 

 

Kabayatanna,   kinanselar ti gobernador ti klase   kadagiti pagadalan  iti pampubliko  ken pribado a pagadalan  ken serrek iti trabaho iti    gobierno ken pribado a sektor inton  bigat  .