--Ads--
VIGAN CITY – Nakasaganan ti Sta. Lucia municipal police station iti panangrambak da iti umadanin a panagpiyesta iti ili.
Dayta iti pinasingkedan ni Police Captain Leonilo Ancheta, hepe ti Sta. Lucia PNP iti pannaki-uman kenkuana ti Bombo Radyo Vigan.
Segun kenni Ancheta, naideployen dagiti sumagmamano a kameng iti linteg ti lugarda kasta pay dagiti barangay official pakairamanan dagiti barangay tanod a makitinnulong a mangbantay iti kinatalged dagiti tattao a makidar-ay ti piesta ti ili.
Mangrugi iti parambak iti panagpiyesta iti ili inton December 7 agingga December 14 a malukatan babaen ti parada ken inton madanun ti kaaldawan ti nasao a piesta ket maangay iti LGBT Night.
-- ADVERTISEMENT --
