Impasigurado ni Barangay Captain Alexander Bermudez nga agtultuloy ti panangmonitorda kadua ti Sta. Cruz Municipal Disaster Risk Reduction Management Council iti mapasapasamak a high tide iti kabaybayan.
Iti pannaki-uman ti Bombo Radyo Vigan ken ni Bermudez, rinabii ti mapaspasamak a high tide iti kabaybayan a no dadduma ket umabot pay iti kalsada.
Nangrugi daytoy a pasamak sipud narikna dagiti nagsasaruno a panagarigengen iti probinsia idi napan a bulan.
Gapu iti dayta, dandanin payen a matwang dagiti dua nga establisimiento ti Bureau of Fisheries and Aquatic Resources and ti Maritime Building nga adda iti asideg ti nasao a kabaybayan.
Adda met sidadaan nga evacuation area a mabalin a kumamangan dagiti agindeg no bilang kumaro pay ti sitwasyon.
