Pinasingkedan ni John Christian Rafanan iti Sta. Catalina Municipal Disaster Risk Reduction and Managament Council nga awan ti nairekordda nga untoward incident malaksid laeng kadagiti nataltalimudaw a senior citizen a bimmisita iti kamposanto.
Iti pannaki-uman ti Bombo Radyo Vigan ken ni Rafanan, natignayanda met laeng nga insigida ti senior citizen a natalimudaw idi kalman babaen iti panagtitinnulongda kadagiti partner agencies-da.
Innayonna nga adda naidatag a preparedness measure da para kadagiti emergency a mapasamak numan bilang.
Nupay kasta, compliant met dagiti napan bimmisita iti kamposanto ta awan met kadakuada ti naglabsing kadagiti maiparit kas koma iti panagitugot iti arak ken patadem.
Mapatta-patta a tallo gasut agingga lima gasut dagiti tattao a napan bimmisita idi kalman, November 1 nga isu ti ad-adu iti tao no yarig ita nga aldaw. Malaksid pay dayta ket naannayas met ti pannakamanehar ti trapiko.
