Napadayawan a kas “Beyond Compliant” iti umuna a gundaway ti Sta. Catalina Municipal Disaster Risk Reduction and Management Council iti naangay a Gawad Kalasag Seal of Excellence.
Iti pannaki-uman ti Bombo Radyo Vigan ken ni Janette Rabara, MDRRMO Officer, sipud 2021 ket mabigbigbigen a “fully compliant” ti Sta. Catalina MDRRM isu a naragsakda nga ita a tawen ket nangatngaton a kategotorya ti nagun-odda.
Ti pammadayaw ket gapu ta naartapan ti Sta. Catalina MDRRMO ti standards iti pannakayestablisar ken functionality ti opisina.
Innayon ni Rabara a sigud a sumusrurotdan kadagiti mandato ti national NDRRM iti panangipatungpal kadagiti programa ken aktibidad.
Adu manen dagiti planoda inton sumaruno a tawen tapno mapasyaat ti pannakaipatungpal dagiti proyekto.
