Mangrugi ita a bulan (September) ti Social Security System (SSS) pension reform program (PRP) kas mayataday ti bilin ni President Ferdinand Marcos Jr. ken kasaruno iti pannakitaripnong ken ni Finance Secretary Ralph Recto.
Nasuportaran babaen ti comprehensive actuarial studies, ti PRP features ket structured, three-year increase iti pension para kadagiti amin nga SSS pensioners, ti kaunaan a multi-year adjustment manipod iti innem a pulo ket walo a tawen.
Segun ti SSS, ti PRP ket saan a kasapulan iti aniaman a panagpangato ti kontribusyon a kas idi 2017 a kinasapulan ti contribution increase tapno ma-restore iti financial stability iti pondo.
Ti reporma ket mangbenepisyo iti 3.8 million pensioner pakairamanan iti 2.6 million retirement/disability pensioners ken 1.2 million survivor pensioners, ken manamnama a mangnayon iti P92.8 billion iti ekonomia manipod 2025 agingga 2027.
Ti PRP ket inaprubaran ti Social Security Commission wenno SSC iti salinong ti Resolution No. 340 series of 2025 ken napetsaan idi July 11, 2025.
Maibasar iti Republic Act 11199 wenno ti Social Security Act kangrunaan iti Section 4 a mangmangted iti bileg ti SSC a sukatan wenno yannatup dagiti benepisyo ti pension, gagem ti reporma a tignayan iti nabayagen a panawagan para iti nangatngato a pension bayat a masigsigurado ti kinatibker iti pondo.
Ti panagpangato ket maimplementar iti tallo nga annual tranches tunggal September agingga 2027, 10 percent increase para ti retirement ken disability pensioners ken 5 percent increase para ti death wenno survivor pensioners.
Kalpasan iti tallo a tawen, ti pension ket manayunan iti umabot 33% para iti retirement/disability pensioners ken 16 percent para iti death wenno survivor pensioners.
