--Ads--
Pinasingkedan ti Social Security System a bimmaba iti 27.8 percent ti net income-da iti first quarter ti tawen, manipud iti P66.45 billion a nagbalinen a P48 billion, gapu iti napaspas a panagpangato ti magastos ken benepisio imbes nga iti kontribusion ken pastrek iti panagpuunan.
Umabot iti 26.8 percent ti pakabuklan a gastos iti P206.8 billion, agraman ti P173.45 billion a benepisio.
Kabayatanna, ngimmato iti 6.9 percent ti kontribusion dagiti miembro, katukad iti P200.32 billion, idinto a ti pakabuklan a pastrek ket immabot iti 11 percent, katukad iti P254.83 billion.
Umabot metten iti P1.35 trillion ti pakabuklan nga asset ti SSS.
-- ADVERTISEMENT --
