Mabalin a maka-avail iti agingga P20,000 a calamity loan dagiti miembro ti Social Security System a naapektaran kadagiti nagsasaruno a bagyo iti Ilocos Sur.
Segun ken ni Christian Andrew Rillorta, SSS Senior Communication Office Luzon North Division, nakalukaten ti online application para iti nasao a calamity loan program para kadagiti miembro nga agnanaed wenno agub-ubra iti lugar a naidalan iti state of calamity, aktibo nga agbaybayad iti kontribusionda iti las ud ti 36 a bulan, addaan iti SSS account, awan ti past-due wenno restructured loan, 18 to 64 years old ken awan ti record-na iti fraud iti SSS.
Tapno maka-avail, masapul laeng ti ag-loh in iti SSS account a My.SSS – manipud iti menu, i-click ti “Loans” ken pindoten ti “Calamity Loan” manipud iti drop-down options iti upper left.
Pilien ti “CLP – TC TINO” kas loan type, ken mabalin a pilien ti kayat a loan amount ken disbursement bank kabayatan ti application process.
Agpatingga ti loan program inton December 5 kagiddan ti panagbangon ti pagilian manipud iti peggad nga impaay dagiti bagyo.
