Ilatang ti Sugar Regulatory Administration (SRA) ti amin a lokal a produksyon ti asukar inton sumaruno a crop year wenno domestic sugar.
Segun ken ni Acting Administrator ken Chief Executive Officer ti SRA Pablo L. Azcona, mangrugi ti milling season inton October 1.
July 27 idi immabot iti 2.084 milion a metriko tonelada ti nabukel a raw sigar manipud iti nakurang 26 milion a metric tons a naapit nga unas.
Nupay kasta, agtultuloy ti panangallukoyda kadagiti agimulmula iti unas a makitinnulong iti SRA nangruna dagiti apektado iti Red Stripe Soft Scale Insect (RSSSI) infestation tapno masigurado a napintas ti apit ken saan a mapeste.
Pinagyamanan ti opisial dagiti mannalon idiay Mindanao nga inawaganna a bannuar iti nasao nga industria ita a tawen gapu iti dakkel a panagpangato ti produksion iti rehion.
