VIGAN CITY – Simmuko ti rebelde idiay Sitio Katipunan, Brgy. Rosario, Cervantes a ni “Ka Eric”, agtawen iti duapulo ket tallo, squad leader ti Kilusang Larangag Guerilla ti AMPIS.
Iti pannaki-uman ti Bombo Radyo Vigan ken ni Lt. Madel C. Ladera PN ti Public Affairs Officer of Naval Forces of Northern Luzon, simmuko ti rebelde iti 102nd MC Headquarters, RMFB 1 a nakabase idiay Bgry Rosario, Cervantes, Ilocos Sur ket naala kenkuana dagiti nangangato akalibre a paltog kas maysa a Hydra-matic M16 A1 Rifle; maysa a Colt M16 A1 Rifle; maysa nga Elisco M16 A1 Rifle; maysa nga (1) AK-47 nga awan tu marka ken serial number na; lima a short magazines para M16 rifle; maysa a long magazine para ti M16 Rifle; 214 live ammunitions para ti M16 rifle ken uppat a bandoliers.
Gapu ti agdama a kinarigat ti panagbiag iti kabambantayan ken iliw iti pamilya ti rason no apay a simmuko ti nasao a rebelde.
Nakakustodian iti Naval Forces ti Luzon ti simmuko a rebelde bayat ti pannakaiyurnos dagiti benepisyo a maawatna manipud iti Enhanced Comprehensive Local Integration Program ti gobierno.
