--Ads--
Madanagan ni House Speaker Faustino “Bojie” Dy iti posibilidad ti panagngato ti presio ti langis iti world market bunga ti tension idiay Middle East.
Makikaysa ni Dy iti gagem ni Presidente Ferdinand Marcos Jr. a protektaran dagiti umili kontra iti panagngato ti produkto petrolyo.
Ti panagdanag ni Dy ket no kas bilang umabot iti $80 kada bariles ti langis idiay Dubai ket agbalin a dagsen daytoy kadagiti Pilipino.
Pinasingkedan ti opisial a nakalukat ti Kamara a makibinnulig iti Senado tapno adalen ken no kasapulan nga amyendaran ti linteg ken maikkan ti presidente ti naan-anay a bileg nga ibaba ti excise tax kadagiti panawen a nangato ti presio ti langis.
-- ADVERTISEMENT --
