Kitkitaenen ti Southern Police District ti posibilidad a saan laeng a maysa ti pimmatay ken ni Mollenido ken ti anakna nga agtawen iti walo.
Segun ken ni SPD spokesperson Lt. Margaret Panaga Panaga, adu ti kitkitaenda nga anggulo iti pammapatay.
Innayon ni Panaga a nagserbi a middleman iti panagilako iti lugan ti napapatay a babai a pulis ti anakna iti kasar a dati a car agent, ti maysa kadagiti Person of Interest iti krimen.
Masapsapul pay ti baba inga ex-agent a naudi a nakadua ti 38-year-old a ni Police Senior Master Sgt. Diane Marie Mollenido.
Dukduktalenda payen no asino ti akindara ti nasarakan iti balay ti person of interest.
Dumaldalan iti autopsy ti bangkay ti ubing tapno maammuan no ania ti rason ti pannakatayna.
Malaksid dayta, im-imbestigaran pay ti kapulisan ti dati nga asawa ti biktima a maysa met laeng a maibilang a person of interest.
