VIGAN CITY – Inlawlawag ni Governor Ryan Singson a saan a sistema ti Provincial Government of Ilocos Sur iti SpaSS nudiket ketdi sistema iti National Government.
Segun ken ni Singson iti programa Ryanniag, ti panagaramat ti SpaSS ket nabayagen a naipatungpal a karaman kadagiti requirement dagiti agbiahe nga agturong kadagiti probinsia.
Inyunay-unayna a maaramat a pagmonitor wenno agbalin a kas contact tracing app kadagiti sumrek iti probinsia iti SpaSS tapno sadinoman a papanan dagiti tattao ket maamwan latta nu man bilang maisayangkat ti panangsapul kadagiti nakapulapol dagiti covid-19 case.
Pinasingkedanna a nalukayanen ti amin a kasapulan para iti panagserrek iti probinsia ket inyarigna kadagiti agturong iti abroad a siguradoen nga amwen dagiti requirement a kasapulan tapno awan iti agbalin a parikot.
Kiddawna a saan laeng a dua nu diketdi tallo wenno uppat nga aldaw sakbay ti panagbiahe iti panag-apply ti SpaSS tapno sigurado a naka-apply apaman a sumrek kadagiti border.
Nupay kasta, inlawlawagna kadagiti agindeg a rumuar ken sumrek iti probinsia a saan a napapaut iti duapulo ket uppat nga oras ket saanen a kasapulan pay ti SPASS nu diketdi Border Pass laengen iti rumbeng nga ipakita kadagiti border checkpoint.
