Impakaammo ti Spain ti panangted ti legal status iti kagudua million a saan a dokumentado a migrante.
Gagem ti nasao nga addang a makissayan ti labor exploitation iti underground economy iti Spain.
Segun ken ni Spain immigration minister Elma Saiz, maysa dayta iti pakasaritaan nga aldaw para iti pagilianda ket kinunada a papigsaenda ti migration model a nakabase kadagiti karbengan dagiti tattao ken mayannatup iti panagregta iti ekonomia ken panagkaykaysa dagiti umili.
Kinunana a kasapulan iti baro nga addang tapno tignayan ti kinapudno kadagiti kalsada ken mangbenepisyar iti ekonomia iti pagilianda.
Karaman kadagiti maikkan ti legal status ket dagiti gangannaet a simmangpet idiay Spain sakbay iti December 31, 2025 ken adda pammaneknek nga agnanaed iti pagilian iti uneg iti lima a bulan ken masapul a mapaneknekan nga awan ti criminal record-da.
Maipaayanda iti agingga makatawen a legal residency ken work permits nga adda bilegna para iti aniaman a sektor ken iti intero a pagilian.
Nakalukat ti aplikasyon manipod April 1 agingga June 30 iti agdama a tawen.
