Nangisayangkat ti physical inspection iti session hall ken kadagiti committee rooms ni Senate President Win Gatchalian tapno isayangkat ti impeachment trial ni Vice President Sara Duterte inton Lunes.
Sinigurado ni Gatchalian ti kinasagana ti Senado manipod kadagiti pasilidad, kuarto para ti prosecution team, defense team ken media kasta payen ti seguridad iti Senado.
Tunggal committee rooms ket personal a minaysa-maysa ni Gatchalian ti inspeksyon ken kinunana a nakasaganada tapno isayangkat ti impeachment trial inton Lunes.
Kinuna ni Gatchalian nga agtultuloy ti improvement a maisayangkat uray mangrugin ti impeachment trial.
Iti session hall ket makita a nakaurnosen kas impeachment court nga ayan ti witness stand, ti agsumbangir a puesto ti prosecution ken defense team, ken nakasimpan dagiti tugaw dagiti senator judge ken ti puesto ti podium ti presiding officer ket iti tengnga.
