Nagpanawagan ni Senate Pres. Sherwin Gatchalian kadagiti nagannak ken lokal a gobierno nga aktibo a makipaset iti pananglapped iti kumarkaru a kinaranggas kadagiti pagadalan babaen iti naing-inget a pannakaipatungpal ti Parent Effectiveness Service (PES) Program.
Inaramid ni Gatchalian ti panawagan kasaruno iti pammaltog iti maysa a pagadalan idiay Tacloban City a nakairamanan dagiti menor de edad.
Iti kaudian a pakaammo, umaboten iti uppat ti natay ken adu iti nadunor iti insidente.
Gapu dayta ket kwinestyonaran ti Senate President no kasano a naaddaan ti access iti paltog dagiti karaman a menor de edad ken no kasano a nasursuroda ti agaramat.
Kinuna ti senador a rumbeng a papigsaen ti akem iti pamilia iti panangpasayaat ti ugali dagiti agtutubo tapno maliklikan ti ikakaru ti kinaranggas iti uneg ken ruar ti pagadalan.
