Saan a kombinsido ni Senate President Chiz Escudero iti kinuna ni dati a Mayor Alice Guo nga awan ti timmulong kenkuana a Pilipino a rimmuar iti Pilipinas.
Segun ken ni Escudero, posible a maysa nga opisial ti gobierno ti karaman iti panaglibasna
Maragsakan met ni Escudero iti dagus a panagtignay ni Presidente Ferdinand Marcos Jr. mainaig iti statement na a “heads will roll” wenno addanto madusa ti nasao a pasamak.
Malaksid dayta, inyuna-unay ti senate leader a dagiti ganggannaet a maipagarup a timmulong ken ni Guo a makalibas, nangruna dagiti financier ken boss ni Guo, ket rumbeng a madusa iti linteg.
Inyunay-unay ni Escudero a ti rason nga awanen dagitoy ditoy Pilipinas ket saan koma a lapped tapno saanda a madusa.
Innayon pay ni Escudero a mamati laeng nga adda pangta ti biag ni Guo no ibagana ti kinapudno.
