Impakaammo ti Bureau of Immigration (BI) a 1,761,281 a South Korean nationals iti bimmisita iti pagilian idi 2024, a nangpatalinaed iti puesto a kaaddoan a bumisbisita iti pagilian.
Segun ken ni BI Commissioner Joel Anthony Viado, ti natibker a langen-langen iti Pilipinas ken South Korea ket makita saan laeng iti biang ti turismo nu diketdi pati pati iti panagsinnukat iti edukasyon ken kultura.
Agtultuloy iti panagturong dagiti South Korean iti Pilipinas ta saan laeng a gapu ti natural attractions nu diketdi pati ti English language programs a nalataken kadagiti pamilia nga addaan iti young learners bayat ti school holidays.
Nangipatugpal ti Bureau of Immigration ti online application procedure para ti special study permit (SSP) kadagiti agad-adal nga agkalkalikagum a makaala kadagiti short-term courses iti Pilipinas.
Dayta ket gagem a magun-od iti ad-adu a gangannaet nga estudyante pakairamanan dagiti South Korean a bumisbisita iti pagilian para ti educational tourism.
