--Ads--
Pormal a nagsurat ni Senate Minority Leader Tito Sotto ken ni Senate President Chiz Escudero tapno kiddawen ti pannakaisayangkat ti mandatory random drug testing iti Senado gapu iti mapapati a panagaramat iti marijuana ti maysa a staff.
Segun ken ni Sotto, mangisaysayangkaten ti Senado iti kastoy a testing idi 2018 kas maisurot iti Republic Act 9165 wenno Dangerous Drugs Act of 2002, uray pay kadagiti mayannatup a resolusyon ken polisiya idi panawenna kas Senate President.
Gagem ti senador a pagtalinaeden ti drug-free workplace iti Senado.
Awan pay met ti komento ni Escudero mainaig iti kiddaw ti senador.
-- ADVERTISEMENT --
