Saan a maymaysa a solusyon ti kasapulan tapno maliklikan ti layus iti intero a pagilian.
Segun ken ni Presidente Ferdinand Marcos Jr., nagduduma ti problema iti tunggal lugar isu a kasapulan nga ibasar ti kondision ken terrain dagitoy dagiti flood control project ti gobierno.
Inyarig ti Presidente ti Cordillera Administrative Region, a narigrigat ti flood control gapu iti kabambantayan a terrain.
Impasigurado ni Marcos nga agtultuloy ti panagadal ti gobierno kadagiti addang a maaramid iti kada lugar, babaen kadagiti panagadal nga agserbi a pagibasaran iti panangbukel iti flood control strategies.
Kagiddan dayta, agtultuloy met ti dredging ken panangpaandar kadagiti flood control facility a nabayagen a saan a naar-aramat kas paset iti nalawlawa nga addang kontra layus.
