Pinapigsa ti Office of the Special Assistant to the President (OSAP) ti koordinasion dagiti ahensia ti gobierno tapno suportaran dagiti programa a socio-economic idiay Bangsamoro Autonomous Region in Muslim Mindanao (BARMM), iti salinong ti normalization program ti administrasion ni Presidente Ferdinand Marcos Jr.
Gagem ti inisyatiba a paingeten ti langen-langen dagiti ahensia ti gobierno nga agipatpatungpal dagiti programa iti salinong ti normalization process.
Indauloan ni Special Assistant to the President (SAP) Anton Lagdameo ti maysa a coordination meeting kadua dagiti kangrunaan nga ahensia tapno kitaen ti kasasaad ti socio-economic iti normalization program.
Nakipaset iti taripnong dagiti mangibagi ti Department of Public Works and Highways (DPWH), Department of Agriculture (DA), ken Office of the Presidential Adviser on Peace, Reconciliation and Unity (OPAPRU) tapno isimpa dagiti datos ket dakamaten dagiti nabatbati a deliverables iti socio-economic component ti programa.
