Rumrumuar iti report manipud iti Commission of Audit (COA) a saan pay a nakakolekta ti Social Security System (SSS) iti P89.1 billion a kontribusion manipud kadagiti delinquent employers.
Iti sidong ti Social Security Act of 2018, kasapulan nga ipangato ti SSS ti contribution rate-na iti tunggal dua a tawen iti 15% rate ita 2025.
Mangrugi iti January 2025, dagiti employer ket mang-shoulder iti 10% a bingay ti kontribusion, bayat a dagiti empleado ket agkontribusion iti 5 %.
Nag-rally ti dadduma a grupo idiay Philcoa, Quezon City tapno protestaenda ti panagngato ti SSS contribution rate, ta maigiddan ti panagngato iti nangatngato a gastos iti koriente, danum ken gasolina.
Iti report ti COA idi 2023, napalagipan ti SSS gapu iti saanda panagkolekta iti nasurok a P89 billion a premium contributions manipud iti 420,767 a delinquent business employers ken household employers agingga iti yearend 2023.
Iti mapattapatta a P93 billion collectibles manipud iti kontribusion, P4.58 billion wenno 4.89 porsiento laeng ti nakolekta manipud kadagiti delinquent employers.
Kinuna ti audit body a dagiti saan a nakolekta a kontribusion ket adda epektona iti pension firm stability ken performance.
