Kayat a panayonan ni Senador Bam Aquino iti P1,000 ti social pension dagiti kwalipikado a senior citizen.
Iti Senate Bill No. 269, italtal-o ti senador ti pannakapalawa ti sakup ti Expanded Senior Citizens Act of 2010 a pakaipaayan iti P1,000 a binulan a social pension dagiti senior citizen a saan nga umaw-awat iti social pension weenno umaw-awat iti pension a saan a lumabes iti P3,000.
Gagemna daytoy a maikkan iti regular ken sigurado a pagalaan a pastrek dagiti senior citizen a mabalin a maaramat iti inaldaw a gastos, panagagas ken emergency.
Innayon ni Aquino a bayat a lumaklakay wenno bumakbaket ket ad-adda a marigatanda a makasapul iti pagubraan ken adu kadagiti lolo ken lola ti marigatan nga agtalinaed iti trabaho gapu iti pisikal a limitasion, tawen, ken kinaawan ti oportunidad.
