Maysa nga application iti naaramid iti pagilian iti Norway a naawagan a “Smittestopp” wenno iti English-na ket “Infection Stop” a mangipakammo kadagiti agaramat no adda iti asideg a paset iti adda iti kasona iti covid-19.
Segun kenni Bombo International Correspondent Geniva Alfres a tubo iti Alaminus, Pangasinan, ti application ket agserbi a tracker kadagiti agindeg iti lugar no kayatda a maamuan no adda iti covid case iti ayanda ngem saan met a madatoryo iti panag-downloadda.
Malaksid iti dayta ket nakunana pay a saan met nga amin a pagtagilakoan ket nakasarra ta adda dagiti sumagmamano latta a nakalukat ket no rumuar dagiti tattao ket saan met a maiparit no laketdi surutenda iti social distancing.
Kabayatanna, naikkat metten iti home quarantine idi April 20 iti Norway ket nagsubli payen iti klase dagiti Kinder agingga Grade 4 idinto a maud-udi met iti Grade 5 agpangato.
