Kaso a slight physical injury iti sangwen ti maysa a senior citizen a lalaki gapu iti panangkabilna iti kabsatna a senior citizen a babai idiay Barangay Angkileng, Sta. Lucia, Ilocos Sur
Ti biktima ket agtawen iti innem a pulo ket pito, awanan ti trabaho nga agnaed idiay Barangay Pantay Quitiquit, Caoayan.
Ti met suspek ket agtawen iti innem a pulo ket uppat, naasawaa nga agnaed idiay Barangay Sabuanan, Sta. Lucia.
Nagturong ti biktima iti Sta. Lucia Municipal Police Station ket impakaammona iti pasamak.
Idi February 3, 2026 ket nagturong isuna iti Barangay Hall idiay Barangay Sabuanan, Sta. Lucia tapno atendaran ti nakaituding a hearing iti Barangay Captain Joe An Antonio a nakairamananna ken kabsatna a suspek gapu iti riri iti daga.
Bayat iti kaaddana iti uneg iti Barangay Hall kadua dagiti dadduma a barangay officials ket saan a napansin ti biktima a simmangpet ti kabsatna ket kellaat a pinungot ken pinagsawsaw-anna iti nasasakit a sarita.
Insigida a naganawa dagiti barangay official ket imbes a panangsimpa iti riri ti daga iti pagpapatangan ket nagbalinen a ti panagkabil iti kangrunaan a concern.
Naituding iti settlement proceedings iti barangay idi February 3, 10, 17 ken 24, 2026 kasta payen idi March 3 ken 9 ngem saan a nasimpa a rason iti nagkiddawanen iti tulong ti biktima iti Sta. Lucia Municipal Police Station tapno agipila iti kaso kontra iti suspek.
