--Ads--
VIGAN CITY – Naimbag nga ammo dagiti napili nga opisyal iti bar-barangay a denggen ken kedngan dagiti parikot ken susik a tumaud kadagiti lugarda isu a napasamak ti Skills Enhancement Program.
Ti programa ket pinartisiparan dagiti kameng iti katarungan pambarangay ken lupong tagapamayapa iti syudad ti Vigan.
Segun ken ni Department of Interior and Local Government Director Andres Vendiola Jr., ti panagsanay ket tapnun maipalagip manen kadakuada dagiti umiso a wagas tapnun nasaysayud a madesisyunanda dagiti rumsuwa a problema iti lugarda.
Adda ngamin dagiti proseso a rebbengna a masurot ta kalikagumanda a risutendan iti barangayda ket saandan nga iyendorso pay iti nangat-ngato a sangay iti gobiyerno.
