VIGAN CITY – Maysa a babai nga SK treasurer ti nagpakamatay babaen ti panagbekkelna iti ili ti Caoayan.
Ti biktima ket agtawen ti dua pulo ket dua, single ken agnaed ti nasao nga ili.
Segun ken ni Police Executive Master Sergeant Roderick Rapanut iti Caoayan Municipal Police Station, nakaawat da ti report inaig ti nasao a pasamak ta nasarakan ti kabsat ti biktima a nakabitin iti uneg ti kwartona babaen iti nylon cord.
Naipan ti Ilocos Sur Provincial Hospital Gabriela Silang ti biktima ngem naideklara a dead on arrival babaen kenni Dr. Mark Cuevas.
Awan ti naibagbaga a parikot ti balasang iti pamiliana ngem manarimaan ti panangduktal dagiti pannakabagi ti linteg nu adda kainaigan ti panagbekkelna iti akemna kas SK treasurer ti barangayda kasta payen nu adda iti parikotda ti karelasyonna a kameng ti LGBTQ Community.
