VIGAN CITY – Mapapati a nahold-up ni Stifany Gabong Gadingan, agtawen iti duapulo ket tallo, SK Chairman ken residente idiay Barangay Parioc 1st, Candon City ta innala dagiti dua a lallaki ti bagna bayat iti kaaddana iti Barangay Road idiay Barangay Oaig-Daya, Candon City, Ilocos Sur itay ala una iti malem.
Iti pannaki-uman ti Bombo Radyo Vigan ken ni PLt. Col. Jayson Nadarisay manipod Candon City Police Station, bayat ti panagmotorsiklo ti biktima iti nalabbaga a Honda Beat ken panagturongna iti daya a direksyon iti nasao a lugar ket adda dua a lallaki a nanglapped kenkuana ket pinilitda nga innala ti sling bag-na.
Segun ken ni Nadarisay, maysa kadagiti suspek ket nagpaturong iti paltog iti ulo ti biktima isu a gapu iti butengna ket intedna ti sling bag-na a naglaon ti nasurok kumurang P300; maysa a color blue Vivo cellphone; BPI ATM; Land Bank ATM; Postal ID ken Passport.
Nakalibas dagiti suspek a nakalugan iti puraw a Honda Click motorcycle nga awan ti plate number-na.
Kinuna pay ni Nadarisay a ti laeng malagip ti biktima ket maysa kadagiti suspek ket naka-usar ti t-shirt a color blue ken naka-maong pants.
Iti agdama ket agtultuloy iti imbestigasyon dagiti otoriad inaig ti pannakasapul dagiti suspek a mapapati a nagala kadagiti gamit ti biktima.
