VIGAN CITY – Nakasaganan ti Vigan City para ti pannakaisayangkat ti Longanisa Festival ita a tawen kalpasan ti nasurok dua a tawen a saan a natultuloy.
Iti pannaki-uman ti Bombo Radyo Vigan ken ni City Events and Protocol Officer Edred Piamonte, nakapagtataripnongdan kadagiti amin a sektor tapno ipinal dagiti iskedyul ti aktibidad a maisayangkat.
Agpaot iti sangapulo ket maysa nga aldaw ti selebrasyon a marugian inton January 8 agingga 18.
Enero 18 ket isunto met ti pannakairugi ti Kannawidan Festival 2023.
Pagyamananda met ta naipatangda iti Vigan City convent a mayakar pay laeng ti misa ti Domingo ken rabii tapno isu ti maaramat a pakaisayangkatan dagiti nakai-schedule nga aktibidad.
Kabayatanna, manarimaan metten ti pannakikinnammayetda kadagiti kapulisan ken kadagiti barangay official para iti panangpatalinaed ti urnos, linak ken talna ti siudad kabayatan ti selebrasyon.
