VIGAN CITY – Kalikagum ni Dr. Zeth Raquedan, taga-Rizal St., Vigan City ken graduate ti University of Sto. Tomas ti agbalin a surgeon kalpasan a naipasana ti Physician Licensure Examination.
Iti pannaki-uman ti Bombo Radyo Vigan ken ni Dr. Raquedan, ti batch da ti naibilang a kamalasan gapu ti sitwasyon ti Covid19 pandemic a gapuanan ti awan a face-to-face internship da ken saan a pannakatuloy dagiti training.
Para kenkuana ket kaykayatna latta ti nakairuamanda iti kakaduana idi kolehio a mapan kadagiti coffee shop ken library tapno agadal ta no iti laeng pagtaenganda ket maguyuguy a maturog laengen ken aginana.
Idi kalkalpas ti exam, kalmado ti riknana isu a madanagan ta amangan no saan a nakapasa ngem idi rimuar ti resulta ket dakkel a pagyamananna ta adda isuna iti listaan. Gapu ta awan ti naglukat a bakante a posisyon iti kayatna nga apply-an nga ospital ket planona a serken pay laeng ti sabali a raket a pangur-urayanna wenno agawid iti Vigan manipud idiay Manila.
Nupay kasta, nagyaman ni Raquedan iti pamiliana a nangsupsuporta ken nangtartarabay kenkuana.
